Молитва о гонимой Церкви

В нашем монастыре с начала года мы стали читать молитву, написанную в тяжелейшем 1918 году соратником святого Патриарха Тихона протопресвитером Николаем Любимовым. Нам кажется, что она очень точно отражает наши сегодняшние настроения и чаяния.

***

Господи Боже, Спасителю наш, к Тебе припадаем с сокрушенным сердцем и исповедуем грехи и беззакония наша, имиже затворихом милости и щедроты Твоя. Сего ради праведный суд Твой постиже нас, Господи: раздоры и нестроения объяша нас, убийства и кровопролития, вражда и злоба умножишася до зела, еще же и на Церковь Твою Святую воздвижеся гонение, во еже единство ея разрушити, заповедь Твою о любви попирати, чад Твоих оскорбляти и с клеветою изгоняти.

Но, Премилосердый Господи, призри с высоты святыя Твоея на слезныя мольбы скорбных людей Твоих, преложи гнев Твой на милосердие и даждь нам помощь от скорби. Вемы, яко от лет древних в годины искушений страна наша токмо верою Христовою от гибели спасашеся, токмо молитвою и слезами покаяния от козней и сетей вражиих избавляшеся. И ныне во умилении сердца вопием Тебе: сохрани Отечество наше от врагов, губящих е, воспламени в сердцах наших любовь к Церкви Твоей Святей и научи нас стояти за святую веру Твою, и тако утверди Церковь Твою всесильною крепостию Твоею и от всякаго злаго обстояния избави ю.

О распенших Тя моливыйся, Милосерде Господи, и рабом Твоим о вразех молитися повелевый, ненавидящих и обидящих нас прости, не воздаждь им, Господи, по делом их и по лукавству начинаний их, не ведят бо, что творят, но к братолюбному и добродетельному настави жительству, да обратятся к Тебе, своему Владыце, и купно с сынами Церкве Твоея прославят Тебе, Единаго в Троице славимаго Бога, во веки веков.

 

ЧИТАЙТЕ ТАКЖЕ:

Один комментарий

  1. Благословенного дня,матушки!
    Благодарю за молитву…
    Да благословит вас Господь Всемилостивый Своею Любовью,да охранит и укрепит вас в эти нелёгкие для Церкви дни…
    ХРИСТОС МЕЖДУ НАМИ!!
    С праздником!

Оставить ответ

Ваш e-mail не будет опубликован. Обязательные поля помечены *

Перейти к верхней панели