Канон Пресвятой Богородице пред иконой Её «Отрада и Утешение»

Икона Божией Матери «Отрада (Утешение)»

Тропарь, глас 4-й

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений. Не отврати Твоя рабы тщи, Тя бо и едину надежду имамы.

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Припев: Пресвятая Богородице, спаси нас.

Божиею благодатию озари мя, Богоблагодатная, благоговейно пети пред святою иконою Твоею Тебе, необориму Заступницу и державу неразрушиму стада Твоего.

Пресвятая Богородице, спаси нас.

Тя, Всенепорочная, имамы предстательство, Отраду же и Утешение. Сего ради, славяще благость Твою, молимтися: помилуй нас.

Пресвятая Богородице, спаси нас.

Хранительница сущи Горы, нашедшим разбойником на обитель Ватопедскую не предала еси, Госпоже, рабов Твоих в руки вражия.

Пресвятая Богородице, спаси нас.

Кто подобен Тебе, Дево, славно творящая чудеса? Наставив бо иноки правдою Сына Твоего, еже боятися Его, избавила и утешила еси их крепостию Твоею.

Слава: Врачевско есть еже резати и жещи, здравия виновное, но Ты нас, Сыне Божий, мягкими лечбами щедрот Твоих уврачуй, Матере Твоея мольбами.

И ныне: Услыши, Благая, мольбы христоименитых людей, призри на озлобление утесняемых, виждь слезы сущих в скорбех и умилосердитися потщися на рабы Твоя.

Песнь 3

Ирмос: Ты еси утверждение притекающих к Тебе, Господи, Ты еси Свет омраченных, и поет Тя дух мой.

Пресвятая Богородице, спаси нас.

Под кров Твой притекаем, людие Твои, Заступница буди нам, Владычице, подающи отраду и утешение поющим Тя.

Пресвятая Богородице, спаси нас.

Возвеселишася ватопедцы о спасении Твоем, Дево, немощствующих бо препоясала еси силою на прогнание разбойников.

Пресвятая Богородице, спаси нас.

Не престай, Всемилостивая Госпоже, спасати рабы Твоя от нечаемых напастей, да благодарственно славим Тя.

Пресвятая Богородице, спаси нас.

Моли, Богородительнице, еже избавитися нам всякаго гнева и прещения Божия, Тебе почитающим.

Слава: Ходатаица благоприятная и сильная к Богу, прегрешений оставление испроси нам у Него, Богоневесто.

И ныне: Смертоносных недугов душевных и телесных изми ны, Владычице, вечнующую Жизнь миру рождшая.

Господи, помилуй (трижды). Слава, и ныне:

Седален

Видимыми и невидимыми враги окружаемии, к Тебе, Дево, прибегающе, зовем: не удали помощь Твою от нас, якоже от иноков ватопедских не удалила еси, но державною силою Твоею побори борющия ны, мирное и Богоугодное житие нам устрояющи.

Песнь 4

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Пресвятая Богородице, спаси нас.

Убояся сердце игумена в молитве устен его от гласа Твоего, Богомати, и прещения Сына Твоего, и смятеся крепость его возвещену бывшу нападению от разбойников.

Пресвятая Богородице, спаси нас.

Внегда смутитися Ватопеду во гневе Твоем, Господи, милость Твою помянул еси предстательством Приснодевы, от Неяже явился еси на спасение людей Твоих.

Пресвятая Богородице, спаси нас.

Не предаждь в руки врагов наследие Твое, Чистая, да не когда рекут: где есть Богородительница, на Нюже уповаша? но не вредно и ненаветно соблюди стадо Твое.

Слава: Святому образу Твоему припадающе, молим Тя: разори советы хотящих нам злая и живот наш направи творити в мире Божественную волю Сына Твоего.

И ныне: Во искушениих буди нам, Владычице, спасительное прибежище, в болезнех врачевание, во обуревании тихое пристанище и в скорбех Отрада и Утешение.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго, но обрати мя и к свету заповедей Твоих пути моя направи, молюся.

Пресвятая Богородице, спаси нас.

Стену тверду и столп непоколебим Тя имать Гора в нашествиих варварских: студа бо исполняеши вражия лица и возвращатися твориши им вспять тщетным и бездельным, Владычице.

Пресвятая Богородице, спаси нас.

Матернее промышление о сущих в Горе имущей Ти, страха ради Сына Твоего, Дево, поболе Ватопед, уведев о разбойницех, и роди дух спасения предстательством Твоим, Преблагословенная.

Пресвятая Богородице, спаси нас.

Яко же настоятеля Ватопедскаго, по утрени бдевша и молившася, наставила еси, Благая, како спастися от напасти, тако и нам подаждь тщание от нощи утреневати к Богу и ко спасению настави ны, избавляющи от всех бед.

Пресвятая Богородице, спаси нас.

Якоже запретила еси, Госпоже, отверзати врата готовой сущей погибели от врагов, тако положи в нас благодатную дверь ограждения, да не обрящется входа всезлобным губителем и их плевелом.

Слава: Яко же повелела еси, Владычице, возшедше на стены, разгнати разбойники, тако укрепи быти нам на четверостении мужества и правды, мудрости и целомудрия, да отражаем борющия ны.

И ныне: Яко же умилостивила еси, Дево, Сына Твоего, прогневавшася на сущия в Ватопеде, тако умилостивляй Его о нас, во многия грехи впадающих, много бо может моление матернее ко благосердию Владыки.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Пресвятая Богородице, спаси нас.

Возвещающе Ти печали наша, молимтися, Мати Божия: обвесели благодатию Твоею скорбящих сердца, всех Радосте, и от тли возведи ны.

Пресвятая Богородице, спаси нас.

Не стяжахом на земли иного утешения и крепкаго заступления, разве Тебе, Всеблагая, покрый убо от всякаго зла любовию воспевающих Тя.

Пресвятая Богородице, спаси нас.

Благостыню и милость приемлем от Сына Твоего, Дево, молитвами Твоими: от молвы бо храниши ны, смущения, ловитвы и всякаго коварства вражия, Всепетая.

Слава: Миру Спасительнице, необоримою силою Твоею не престай соблюдати стадо Твое, зовущее: Отрада и Утешение наше Ты еси, Благословенная.

И ныне: Всех благих вина, смертных оживление, погибших взыскание, избави, Госпоже, рабы Твоя от напрасныя смерти и от тли греховныя возведи ны.

Господи, помилуй (трижды). Слава, и ныне:

Кондак, глас 8-й

Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но яко имущая державу непобедимую, от всяких нас бед свободи, да зовем Ти: Радуйся, Невесто Неневестная.

Икос

Ангели Тя, Матерь Бога нашего, песньми славословят, и мы земнии воспеваем радостно Тебе вопиюще: радуйся, Светодавца селение, Еюже лучи спасения мирови возсияша; радуйся Обрадованная, Еюже исполняемся Божественнаго веселия. Радуйся, двере Востока, от врат смертоносных греха нас отводящая; радуйся, светильниче пресветлый, просвещаяй омраченных. Радуйся, бездно Божия к нам человеколюбия; радуйся, цены всякия превысший дар, нам от Бога дарованный. Радуйся, яко имаши велие к Нему дерзновение; радуйся, страже Афона и тамо обитающих Хранительнице. Радуйся, всекрепкая стено, еюже сохраняемся необоримы враги христианскими; радуйся, язво невидимых врагов и от них уязвляемых врачевание. Радуйся, безсильных сило и помоще безпомощных; радуйся, Отрадо и Утешение скорбящих. Радуйся, Невесто Неневестная.

Песнь 7

Ирмос: От Иудеи дошедше, отроцы в Вавилоне иногда верою Тройческою пламень пещный попраша, поюще: отцев Боже, благословен еси.

Пресвятая Богородице, спаси нас.

Воплощся от утробы Твоея Господь, господствуяй тварию, и Тебе, Дево, Госпожу показа видимым же всем и невидимым, яко Матерь Свою прославляя Тя.

Пресвятая Богородице, спаси нас.

Согрешихом, Господи, но не отступихом от Тебе и иного не вемы, разве Тебе, не предаждь нас до конца Матере Твоея мольбами, отцев Боже благословенный.

Пресвятая Богородице, спаси нас.

Гора Божия осененная, Всечистая, покрый сущия в Горе сению Твоих молитв и от сети ловящих избави поющия: отец наших Боже, благословен еси.

Слава: Непобедимая еси крепость, Госпоже, и несокрушимое ограждение с верою призывающих Тя: разрушаеши бо советы вооружающихся на славящия Тебе.

И ныне: Унывающим Отрадо, печальным Утешение, заблуждающим Наставнице, соблюди нас, Дево, от всякаго зла, чтущих святый образ Твой.

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Пресвятая Богородице, спаси нас.

Преблагословенная Мати Всещедраго Бога, ущедри ны, недостойныя, дарами милосердия Твоего, да превозносим Тя во веки.

Пресвятая Богородице, спаси нас.

Крепость и держава буди рабом Твоим, Всецарице, сила, оружие и меч, враги спасения секущий, да славим Тя во веки.

Пресвятая Богородице, спаси нас.

Сияющая паче Ангел святынею, храни нас, Всенепорочная, от греховных деяний, глаголаний и помышлений, да благословляем Тя во веки.

Пресвятая Богородице, спаси нас.

Освяти, Всесвятая, благоговейно лобызающих святую икону Твою и Твоим матерним дерзновением милостива нам твори Сына Твоего, да поем Его во веки.

Слава: Отрадо и Утешение молящихся Тебе, временных и вечных лютых избави ны, да хвалим Тя и Сына Твоего превозносим во вся веки.

И ныне: Путь и Живот, Дево, рождшая, стопы наша направи по словеси Божию, да, живот вечный наследовавше, поем Тя, Сына Твоего превозносяще во вся веки.

Песнь 9

Ирмос: Проявленное на горе законоположнику во огни и купине Рождество Приснодевы в наше, верных, спасение песньми немолчными величаем.

Пресвятая Богородице, спаси нас.

Веселися, Ватопеде, неусыпная бо Афона Назирательница яже на Тя коварство вражие манием Своим разруши и изгнанны сотвори разрушение Тебе уготовавшия.

Пресвятая Богородице, спаси нас.

О, великаго дерзновения Твоего, Дево, к Богу и благоутробия к рабом Твоим! Возвещающи бо о вразех, уклонила еси лице Свое от руки Сына Твоего, якоже до ныне зришися на иконе Твоей.

Пресвятая Богородице, спаси нас.

Поток светлости, отрады и утешения неистощимый Ты еси, Богорадованная Мати Света, тьму убо страстей прожени от нас, обстоящих светлое подобие лица Твоего, и несветимаго огня избави.

Пресвятая Богородице, спаси нас.

Спасение буди присное, Госпоже, от враг наших и из руки всех, ненавидящих нас, и направи ноги наша на путь мирен милосердия ради милости Сына Твоего и Бога нашего, Преблагословенная.

Слава: Владычествующая всеми яко Всецаря Матерь, стране нашей подаждь благоденствие, мир, спасение и на сопостаты победы и одоление.

И ныне: Молебное пение от души принесох со страхом Тебе, Дево, рождшей Христа Бога, Егоже молящи, благоприятна сотвори моления наша, да Тя песньми немолчными величаем.

***

История иконы Божией Матери “Отрада, или Утешение” возводит нас на святую гору Афон в Ватопедский монастырь, в Благовещенском храме которого и пребывает чудотворный образ Покровительницы святой горы Преблагословенной Владычицы Богородицы.

В 807 году подошла к святой Афонской горе шайка разбойников, которые намеревались на рассвете дня ворваться в один из лучших монастырей — Ватопедский, избить иноков и расхитить монастырское богатство. Но Покровительница всей святой Афонской горы Пресвятая Дева Богородица не допустила осуществиться злодейскому и варварскому замыслу безбожников.

Когда закончилась утреня и вся братия разошлась по своим кельям на временный отдых, в церкви остался настоятель Ватопедского монастыря и занялся совершением своего утреннего молитвенного правила перед иконой Богородицы. Углубившись в сердечной молитве он неожиданно был поражен ясно слышанными им предостерегающими словами, исходящими от этой иконы: “Не открывайте сегодня ворот обители, но взойдите на стены монастыря и разгоните разбойников”.

Игумен, смущенный услышанным им предостережением, устремил свой взор на икону и увидел, что лик Богоматери и лик Младенца оживились. Предвечный Младенец, простирая десницу и закрывая ею уста Своей Матери, обратил к Ней лицо Свое и сказал: “Нет, Мати Моя, не говори им: пусть они будут наказаны”. Но Богоматерь, стараясь удержать Своей рукой руку Сына Своего и Господа, уклоняясь лицом от Него направо, снова произнесла двукратно те же слова.

Игумен, пораженный ужасом, тотчас же собрал братию монастыря и все они были изумлены, когда увидели, что лик Богоматери и Младенца, и очертания иконы стали совершенно иными, чем прежде. В чувствах живой признательности иноки монастыря прославили заступление и промышление о них

Пресвятой Богородицы и милующего их ради Ее ходатайства Господа. После этого они поспешили на монастырские стены и успешно отразили нападение разбойнической шайки.

С тех пор эта чудотворная икона Богоматери известна под именем “Отрады, или Утешения”. Положение лиц Богоматери и Спасителя осталось в том виде, какой оно приняло при услышанном игуменом троекратном голосе: Божественная Матерь уклонилась лицом Своим вправо от простертой десницы Предвечного Ее Младенца и старается ее отвлечь от уст Своих, чтобы иметь возможность свободно пересказать предстоящую опасность Своим избранным инокам святой горы Афонской. На лице Богоматери ясно выражается сострадательная любовь; взор Ее дышет милосердием и кротостью, а на устах покоится тихая улыбка привета и утешения. Лицо Предвечного Младенца-Бога не таково: оно, можно сказать, грозно и движение гнева заметно во всех его чертах, а взор Его полон строгости и неумолимого суда (2).

В конце XVII века этот образ был написан на стене посвященного ему придела в новом монастырском Благовещенском соборе. До сих пор в Ватопедском монастыре сохранился обычай постригать в иночество только здесь

ЧИТАЙТЕ ТАКЖЕ:

Оставить ответ

Ваш e-mail не будет опубликован. Обязательные поля помечены *

Перейти к верхней панели